Մեր մասին

«Գենացվալե» պանդոկների ցանցը ստեղծվեց, որ փոխի ռեստորանային մշակույթը Հայաստանում և մարդկանց տա նոր փորձառություն: Ընկերության հիմնադիրները արմատներով Թբիլիսիից են: Երևան տեղափոխվելուց հետո նրանք որոշեցին ստեղծել վայր, որտեղ կարելի է ընտանիքով, ընկերներով գնալ, համեղ ու որակով սնվել և լավ ժամանակ անցկացնել: «Գենացվալե»-ն դարձավ վրացական խոհանոցի առաջին ռեստորանը Երևանում՝ համադրելով հայկական և կովկասյան խոհարարական ավանդույթները և ստեղծելով ջերմ, հյուրընկալ մթնոլորտ։

    Մենք առաջարկում ենք բազմազան ժամանց՝ փոքր խմբով խնջույք առանձնասենյակներում, համեղ լանչ ընդմիջման ժամին կամ մեծ միջոցառումների անցկացում: Սա իսկական ընտանեկան բիզնես է, և այդ փաստի շնորհիվ ընկերությունը երաշխավորում է, որ այստեղ միայն բարձր որակի մթերքներ են, քանի որ ամեն ինչ արվում է այնպես, ինչպես կարվեր սեփական տան, ընտանիքի համար: Որակը միշտ առաջին տեղում է․ խոհարարները վերապատրաստվում են վրացի փորձառու գործընկերների կողմից, իսկ ապրանքները ձեռք են բերվում միայն հուսալի գործընկերներից և մատակարարներից:

Գործում է առաքման հարմար ծառայություն՝ հնարավորություն տալով վայելել համեղ ուտեստները տանը կամ աշխատավայրում: Շատ ոգևորող է այն միտքը, որ ընկերությունը կարողացել է փոխել սնվելու մշակույթը, ձևավորել նոր ձեռագիր և նոր կետեր ավելացնել քաղաքի գաստրոնոմիկ քարտեզում։